近排發覺原來我身邊冇一個人可以俾我暢所欲言咁傾心事，

同朋友間ge友誼越黎越疏遠...

係我ge問題嗎?

好耐冇打過xanga，打番上個禮拜D野先~

5/7

因為諗過某人之後一定會放我飛機，所以朝早學完琴就即刻番屋企執野去西貢租板！去到只係玩得三個鐘，仲要玩玩下行雷閃電，真係驚心動魄！自己一個人租板真係好寂寞，好彩個救生員係度，如果唔係真係寂寞死我！

6/7

學校畢業禮！派左成績表，果然不出我所料中史同history係好差。不過surprise ge係我中文聆聽下學期竟然全級第一，哈哈...真係奇蹟！之後同Crystal, Becky同唔知邊個去食飯，仲要有飯後水果，D strawberry真係好好味！食完飯去浸會大學，學校好勁，請到范太做嘉賓。畢業禮完左周圍去影相，之後番屋企！

8/7

本來同某人約左一齊去租板，但係個個人不出我所料真係放我飛機！算~~我自己去，還掂又唔係第一次。去到有個阿伯同我一樣自己去租板，好搞笑，佢好似覺得我唔識玩咁好照顧我食完飯出左去獅地、黃茅角個邊玩，正~~大風大浪！玩左一陣番番去centre附近休息，同個阿伯傾計傾左好耐！夠鐘跟住就執野番屋企！玩完就夠30個鐘，可以玩中級！

9/7    中級 day 1

第一次玩中級，好興奮！一去到就即刻去睇邊個教，德sir教好開心，因為佢會教我好多野，我中意！成班總共有六個人，兩個已經考左中級，另外兩個女仔未玩過，仲有個男人...佢話識我學校有個教chem ge男老師...朝早成朝係陸上教set帆，熱死人！食完飯落水，知道左考試標准，又真係幾嚴。落水就不斷練gybing，讀書都冇咁勤力，可能我真係好想pass！

10/7   中級 day 2

搭緊巴士個陣不斷諗番要點set帆，要點做gybing，想做好D！去到黃石見到個教獨木舟ge阿sir，佢仲認得我，真係開心！今日一D風都冇，焗到不得了！Gybing做得越黎越好~~最後聽番阿sir講理論，派番本野，得左，由心到笑左出黎，Yhank you阿sir！下次見到個救生員一定要話佢知我pass左

12/7

今日係最後一日學中提琴！前一晚畫左D卡，但係未畫晒...買左M記俾miss，成個鐘就係係度傾計(基本上係聽miss講野)！不過真係幾唔捨得，跟miss學左11年，依家冇得學....遲D一定要約過出黎~

今日睇電視個陣突然諗起婆婆，唔知個邊D電視係咪都係睇無架呢?

唔知佢係咪係度轉緊台呢?